शुक्रबारदेखि उदयपुरमा फिल्म ‘अंग्रेजी मिडियम’ को सुटिङमा इरफान पहिलो सट दिँदा सबै भए भावुक

7 अप्रिल, 2019
91 पटक हेरिएको

बलिउड अभिनेता इरफान खानले शुक्रबारदेखि उदयपुरमा फिल्म ‘अंग्रेजी मिडियम’ को सुटिङ सुरु गरेको भारतीय मिडियाले जानकारी दिएका छन् ।

फिल्मका निर्माता दिनेश भाइजानले ५२ वर्षेले आफ्नो पहिलो सट दिँदा फिल्मका सबै सदस्य निकै भावुक भएको बताए । उनले भने, ‘इरफानलाई सेटमा फिर्ता पाउँदा निकै उत्कृष्ट महसुस भएको थियो । हामी सबैजना भावुक भएका थियौं । मेरा लागि उनीसँग पुनः काम गर्न पाउनु भाग्यको कुरा हो । उनलाई र होमी (निर्देशक होमी अड्जानिया) लाई सँगै पाउनु भनेको हामी तीनैजनाले निकै अघिदेखि देखेको सपना साकार हुनु हो ।’

इरफान खानलाई दुर्लभ रोग न्यूरोइन्डोक्राइन ट्युमर भएको थियो । उनले यसको उपचार लण्डनमा गराएका थिए । उनी केही दिन अघि मात्रै भारत फर्किएका हुन् । इरफान २१ अप्रिलसम्म उदयपुरमा बस्नेछन् ।

भारतीय मिडियाका अनुसार इरफानसँग मुम्बईबाट १८ नीजि सुरक्षाकर्मी आएका छन् । सुरक्षाकर्मीले कसैलाई पनि उनी नजिक पर्न दिएनन् । जानकारीका अनुसार नायिका राधिका मदान फिल्ममा इरफानकी छोरीको भूमिका निभाउनेछिन् । फिल्मको कहानी राधिकाको शिक्षा अर्थात् इरफानकी छोरीमा आधारित छ ।

कसैको घरमा बसे इरफानः

इरफान सुटिङको क्रममा भ्यानिटी भ्यानको साटो ब्रम्हपुरीको एउटा घरमा बसे । इमरानको स्वास्थ्यका लागि विशेष व्यवस्था गरिएको थियो । इरफान जुन घरमा इरफान बसेका थिए, उक्त घरमा जानका लागि धेरै व्यक्तिले घर मालिकको आफन्त बताउँदै भित्र जाने कोसिस गरिरहेका थिए । तर धेरैजसोको आशा पूरा हुन सकेन ।

इरफान खानले प्रशंसकलाई दिएका थिए धन्यवादः

इरफान खानले ट्वीटरमा लेखेका थिए, ‘थुप्रै पटक जित्ने दौडमा हामी यो बिर्सन्छौं कि प्रेम पाउनु कति महत्वपूर्ण हुन्छ । अब म जीवनका ती यात्रामा आफ्नो निशाना छोड्नेछु र तपाईंहरु सबैलाई प्रेम र सहयोगका लागि धन्यवाद दिन चाहन्छु । तपाईंको प्रार्थनाका कारण मलाई ठिक हुन निकै मद्दत गर्यो । अब म तपाईंहरु माझ फिर्ता भएको छु । सबैलाई भित्री मनदेखि धन्यवाद दिन चाहन्छु ।’

Leave a Reply

avatar
  Subscribe  
Notify of