‘क्याप्टेन’ देशैभर हाउसफूल II

3 मार्च, 2019
26 पटक हेरिएको

शुक्रबारदेखि रिलिज भएको चलचित्र ‘क्याप्टेन’ले शनिबार देशैभरका हलमा बम्पर व्यापार गरेको छ । चलचित्रका वितरक मनोज राठीले चलचित्रको यो कमाइलाई बम्पर भनेका छन् । उनले भने–‘लामो समयदेखि चलचित्र क्षेत्रमा देखिएको व्यापारिक खडेरीलाई यो चलचित्रले तोडेको छ ।’ शुक्रबार चलचित्रको अकुपेन्सी ५० देखि ६० प्रतिशतको हारहारीमा देखिएतापनि शनिबार चलचित्रको व्यापार शत प्रतिशत रहेको राठीले बताए ।

शनिबार बिहानैदेखि काठमाण्डौका गोपिकृष्ण, अष्टनारायण, गंगा, गुण लगायतका हलमा दर्शकको चाप उच्च देखियो । काठमाण्डौ बाहिर पनि बिहानैदेखि दर्शक हलमा पुगेका थिए । चलचित्र ‘क्याप्टेन’ हेर्न दिवा शोमा काठमाण्डौको गोपिकृष्ण र अष्टनारायण हलमा दर्शकको चाप थामिनसक्नु थियो । काठमाण्डौ बाहिर पनि चलचित्रको व्यापार बम्पर रहेको वितरकले बताएका छन् ।

गोपिकृष्ण हलका प्रबन्धक प्रदिप दाहालले भने–‘यो भीड छक्का पन्जा ३ पछि देखिएको हो । दर्शक प्रतिक्रिया वुझ्दा यो चलचित्रले लामो समयसम्म स्पिड लिने देखिएको छ । हामीले पनि लामो समयदेखि हलमा मान्छे देख्न पाएका थिएनौ । लामो समयपछि हलमा चहलपहल बढेको छ ।’

Leave a Reply

avatar
  Subscribe  
Notify of